काठमाडौं उपत्यकामा एकैदिन अहिलेसम्मकै धेरैमा देखियो कोरोना

काठमाडौं उपत्यकामा एकैदिन ५३ जनामा कोरोना भाइरसको संक्रमण देखिएको छ। यो उपत्यकामा एकैदिन देखिएको अहिलेसम्मकै धेरै संक्रमित संख्या हो।

स्वास्थ्य मन्त्रालयका अनुसार संक्रमितमा काठमाडौंका ४८, ललिपुरका ४ र भक्तपुरका एक जना छन्।

उनीहरूको राष्ट्रिय जनस्वास्थ्य प्रयोगशाला, शुक्रराज ट्रपिकल, टिचिङ, पाटन र नेपाल प्रहरी अस्पतालको प्रयोगशालामा परीक्षण गरिएको थियो।

राष्ट्रिय जनस्वास्थ्य प्रयोगशालामा गरिएको परीक्षणमा काठमाडौंका ११ जना र भक्तपुरका एक जनामा संक्रमण पुष्टि भएको हो।

यस्तै, शुक्रराज ट्रपिकल तथा सरूवा रोग अस्पतालमा गरिएको परीक्षणमा काठमाडौंका ९ जना र ललिपुरका एक जना छन्।

टिचिङ अस्पतालमा गरिएको परीक्षणमा काठमाडौंका एक जना र पाटन अस्पतालमा गरिएको परीक्षणमा काठमाडौंका ९ जना र ललितपुरका एक जना छन्।

बाँकी २१ जना संक्रमितको परीक्षण भने नेपाल प्रहरी अस्पतालमा भएको हो।

पछिल्लो समय उपत्यका प्रवेश गर्ने व्यक्तिहरूको संख्या बढेसँगै संक्रमित संख्या बढेको हो।

Facebook Comments